लागुऔषध संलग्नमा कैलालीमा दुई जना पक्राउ

२० कार्तिक कैलाली । कैलालीमा लागुऔषधमा संलग्न दुई जना पक्राउ परेका छन् ।  धनगढी उपमहानगरपालिका–२ स्थित त्रिनगर भन्सार गेटअगाडिबाट लागुऔषधमा संलग्न दुई जनालाई प्रहरीले पक्राउ गरेको हो ।

सीमा नाका गौरीफन्टाबाट नेपालतर्फ आइरहेको बेला प्रहरीले जाँच गर्दा धनगढी उपमहानगरपालिका–५ बस्ने २५ वर्षीय सञ्जय चौधरी र धनगढी–१३ बस्ने २० वर्षीय अनिल रानालाई मङ्गलबार साँझ प्रहरीले पक्राउ गरेको हो ।

चौधरीका साथमा तीन ग्राम ६२० मिलिग्राम र नीलो रङको चार वटा ट्याबलेट र रानाका साथबाट एक ग्राम १४० मिलिग्राम लागुऔषध बरामद गरिएको जिल्ला प्रहरी कार्यालय कैलालीका प्रहरी निरीक्षक प्रकाश कार्कीले जानकारी दिनुभयो ।