बोलेरोको ठक्करबाट मोटरसाइकल चालकको मृत्यु

२८ कार्तिक ०७६, चितवन । आज बिहान चितवनमा बोलेरोको ठक्करबाट एक मोटरसाइकल चालकको मृत्यु भएको छ ।

मृत्यु हुनेमा भरतपुर महानगपालिका–६ का ३० वर्षीय रोशन सापकोटा रहेको जिल्ला प्रहरी कार्यालय चितवनले जानकारी दिएकाृ छ ।

जिल्ला प्रहरी कार्यालयका अनुसार नारायणगढबाट मुग्लिनतर्फ जाँदै गरेको बा१०च ४४१३ नंको बोलेरोले विपरीत दिशाबाट आउँदै गरेको बा६६प २९६५ नंको मोटरसाइकललाई ठक्कर दिएको थियो । ठक्करबाट घाइते सापकोटाको उपचारका क्रममा पुरानो मेडिकल कलेजमा मृत्यु भएको प्रहरीले जनाएको छ ।

मोटरसाइकललाई ठक्कर दिने बोलेरो र चालक प्रहरीले नियन्त्रणमा लिएको छन् । आज बिहान २ः३० बजे इच्छाकामना गाउँपालिका–६ जलवीरेमा दुर्घटना भएको प्रहरीले जानकारी दिएको छ