दक्षिण ललितपुरमा कोरोना सचेतना बढाउदै वागमती

लपु संवाददाता
१ चैत्र ०७६, भट्टेडाँडा ललितपुर । वागमती गाँउपालिकाले कोरोना भाइरस रोगबाट बच्न प्रचार अभियान शुरु गरेको छ । शनिबार ललितपुरको तीनपाने भञ्ज्याङ्गमा गाँउपालिकाका अध्यक्ष विर बहादुर लोप्चन र उपाध्यक्ष रञ्जना घिमिरेले प्रचार सामाग्री टागेर अभियान शुरु गरेका हुन् ।

कोरोना भाइरसको लक्षणहरु र बच्ने उपायबारे वागमती गाँउपालिकाले बनाएको फ्लेक्स बोर्ड र पोस्टर तिनपाने भञ्ज्याङ्ग र भैसेमा वितरण गरिएको थियो ।
गाँउपालिकोको बैठकले कोरोना भाइरसबारे प्रचार सामाग्री बनाएर प्रचार गर्ने निर्याण गरेपछि यो अभियान शुरु गरिएको पालिका अध्यक्ष रञ्जना घिमिरे जानकारी दिनु भयो । गाँउपालिकाले प्रचार सामाग्री सात बटै वडाका हरेक नागरिकको हात हातसम्म पु¥याउने योजना रहेको गाँउपालिकाी उपध्यक्ष घिमिरेले बताउनु भयो ।

जिल्ला स्वास्थ्य कार्यालयका प्रमुख खगेश्वर गोलालले संसारका १२२ देशमा फैलिसकेको यो रोगको बारेमा राम्रोसँग प्रचार र बच्ने उपायबारे जानकारी दिएर मात्र रोग लाग्नबाट बच्न सकिने हुदा वागमती गाँउपालिकाको प्रचार अभियानको प्रशंशा गर्नुभयो ।