कोरोना भाइरसको खोप पुस माघसम्म आउने दाबी

१८ जेठ ०७७, काठमाडौं । चीनको सम्पत्ति पर्यवेक्षण तथा प्रशासन परिषदले शनिबार सामाजिक सन्जालमा कोरोना भाइरसविरुद्धको खोप यही पुस माघसम्ममा प्रयोगमा आउने सूचना जारी गरेसँगै विश्वभर नयाँ आशाको सञ्चार भएको छ ।
चीनको वुहान इन्सटिच्युट अफ बायोलोजिकल प्रोडक्ट्स र बेइजिङ इन्सटिच्युट अफ वायोलोजिकल प्रोडक्ट्सले हालै अनुसन्धानपछि खोप तयार गरेको हो । अंग्रेजी बर्ष २०२० को अन्तसम्म विश्व बजारमा ल्याउन लागिएको यो खोप प्रयोगमा आएपछि लक डाउन अन्त्य गरेर जनजीवन सामान्य हुने आशा गरिएको हो ।
यो खोपको परीक्षण गर्ने क्रममा २ हजार जना व्यक्तिमा प्रयोग गरिसकिएको जानकारी दिईएको छ । यद्यपी यो खोपको दोस्रो चरणको परीक्षणको क्रममै छ ।
विश्वभर कोरोना भाईरसको औषधि नहुँदा संक्रमणबाट जोगिन संसारभरका देशहरुले लकडाउन गरिरहेका छन् । श्वास प्रश्वास र शरिरहरुको स्पर्शले सर्ने यो रोग निराकरणको उपाय मास्कको प्रयोग र शरिर शरिरबीच दुरी कायम गर्नुबाहेक अरु उपपाय नभएको चिकित्सहरु बताउछन् ।
कोरोना भाइरसको संक्रमण चीनको वुहानबाटै संसारभर फैलिएको हो । बुहानमा माहामारीको रुप लिदा अन्य देशमा कोरोना भाइरस पुगेको थिएन । चीनको बुहानमा भने हाल भाइरस नियन्त्रणमा आएपछि जनजीवनमा सामान्य बनेको छ ।
अहिले संसारका दुई सय १२ देशमा पुगिसकेको कोरोना भाइरस एक पशुपंछी बजारबाट सुरु भएको थियो । तर यसको औषधि अझै पत्ता नलाग्दा विश्वभर महामारीको रुप लिएको छ ।
अमेरिकाको जोन्स हप्किन्स विश्वविद्यालयका अनुसार विश्वभर हाल ६० लाख ५४ हजार १ सय ८७ जनामा कोरोना भाइरस संक्रमण पुष्टि भएको छ भने ३ लाख ६८ हजार ७ सय ११ जनाको मृत्यु भइसकेको छ ।