हास्यकलाकार मनोज गजुरेललाई कोरोना संक्रमण

११ कात्तिक ०७७,काठमाडौं । हास्यकलाकार मनोज गजुरेलमा कोरोना भाइरसको संक्रमण पुष्टि भएको छ ।
कोरोना संक्रमणको लक्षण देखिएपछि हास्य कलाकार गजुरेलले कोरोना परिक्षण गरेको र आफूलाई कोराना पोजेटिभ भटिएको गजुरेलले आफैले सामाजिक सञ्जालमार्फैत जानकारी दिएका हुन् ।
गजुरेललाई कोरोना पुष्टि हुनुअघि उनका दाजुलाई पनि कोरोना संक्रमण देखिएको थियो । कोरोना संक्रमित दाजुलाई उनले पटक पटक अस्पताल लैजाने–ल्याउने गरेका थिए ।
हास्य कलाकार मनोज गजुरेललाई विहीबारदेखि ज्वरो आएको थियो । आफूलाई लक्षण देखिएपछि आइतबार उनले कोरोना टेष्ट गरेका थिए । सोमबार उनको परिक्षणको नजिता आउदा कोरोना संक्रमण पुष्टि भयो ।
गजुरेलको स्वास्थ्य अवस्था सामान्य रहेको छ ।