नेप्सेमा उछाल ः छ अर्ब ३४ करोडको कारोबार

१९ पुस ०७७, काठमाडौं । धितोपत्र बजारमा आज आइतबार शेयर कारोबार मापक नेप्से परिसूचक दोहोरो अंकले उकालो लागेकोे छ । नेपाल स्टक एक्सचेञ्जका अनुसार ८८.१२ बिन्दुले बढेर दुई हजार १ सय ७५.३९ मा पुगेको हो ।
ठूला कम्पनीको शेयर कारोबार मापक परिसूचक १७.१८ बिन्दुले उकालो लागेर ४ सय १५.८८ बिन्दुमा पुगेको छ । कूल २ सय १२ कम्पनीका एक करोड ४० लाख २६ हजार ८ सय ८६ कित्ता सेयर रु छ अर्ब ३४ करोड ४० लाख १७ हजार ८ सय ८९ मूल्यमा कारोबार भएको छ । लगातार बजार उकालो लाग्दा बजार पूँजीकरण रु २९ खर्ब २७ अर्ब २७ करोड २९ लाख बराबर पुगेको छ ।
लगातार बजार उकालो लागेर नेप्से नयाँ बिन्दुमा मात्रै पुगेको छैन, नयाँ इतिहास कायम भएको छ । हालसम्मकै उच्च बिन्दुमा नेप्से पुगेको छ । कारोबार भएका कूल १२ उपसमूहकै शेयर उकालो लागेको छ । बैंकिङ ७०.९२, व्यापार २ सय २१.५७, होटल ३४.८४, विकास बैंक ४६.१, जलविद्युत् ३८.९३, वित्त ७.६६, निर्जीबन बीमा २ सय ६८.४२, उत्पादन २६४.४४, अन्य १ सय ३.४४, लघुवित्त ७७.६, जीवन बीमा ५ सय ५०.९५ र सामूहिक लगानी कोष ०.०२ बिन्दुले उकालो लागेको छ ।
कारोबारका आधारमा आज नेपाल लाइफ इन्स्योरेन्स कम्पनी शीर्ष स्थानमा रहेको छ । सो कम्पनीको रु ५० करोड ९५ लाख ७५ हजार २ सय २८ बराबरको कारोबार भयो । यस्तै प्राइम बैंक रु ५० करोड २६ लाख दुई हजार ७ सय ९८, नेपाल दूरसञ्चार कम्पनी रु ४५ करोड सात लाख ९१ हजार १ सय १, नेपाल पुनरबीमा कम्पनी रु २७ करोड ५२ लाख ५९ हजार ५ सय १४, एनआइसि एशिया बैंक रु २७ करोड ३७ लाख ९६ हजार ७७ सय ९, एभरेष्ट बैंक रु १९ करोड १७ लाख ५० हजार ६७८, शिवमु सिमेन्ट रु १९ करोड एक लाख ६४ हजार ७ सय ९९, प्रभु बैंक रु १८ करोड ८६ लाख २६ हजार २ सय ८९ र नबलि बैंक रु १६ करोड ८१ लाख नौ हजार ६ सय ८३ बराबरको कारोबार भई शीर्ष स्थानमा रहेका छन् ।
कारोबार भएका कूल कम्पनीमध्ये १ सय ५२ कम्पनीको शेयर उकालो लागेको छ भने १४ कम्पनीको शेयर ओरालो लागेको छ । यस्तै आठ कम्पनीको शेयरमा भने कुनै परिवर्तन भएन । कारोबारका आधारमा साल्ट टे«डिङ कर्पोरेशन १०, हिमालयन डिस्टिलरी १०, नेपाल पुनरबीमा कम्पनी ९.९७, प्राइम बैंक ९.८६, कुमारी बैंक ९.१३, गुराँस लघुवित्त ९.११, नेशनल माइक्रोफाइनान्स ९.११, आशा लघुवित्त ८.१२, नेपाल दूरसञ्चार कम्पनी ७.७८ र सिटिजन बैंकका लगानीकर्ताले ७.०९ प्रतिशतले कमाए ।
राधी विद्युत् कम्पनी ४.२९, शिवश्री हाइड्रोपावर ३.२९, युनाइटेड फाइनान्स ३.२३, बुटवल पावर २.२२, नेपाल इन्भेस्टमेन्ट बैंकको डिवेञ्चर २.०, छ्याङदी हाइड्रोपावर १.९४, नेपाल एबिआई डिवेञ्चर १.८८ र रिलायन्स फाइनान्सका लगानीकर्ताले १.२० प्रतिशतले गुमाए ।