आजबाट चिनियाँ कोरोना खोप भेरोसेल दिइदै

२५ जेठ ०७८, काठमाडौं । आजबाट चीन सरकारले अनुदान दिएको भेरोसेल खोप देशभर लगाइने भएको छ ।
तिव्वतसँग जोडिएका देशका १८ जिल्ला सहित पहिलो डोज लगाएर दोश्रो खोप पर्खनेहरुलाई प्राथमिकता दिएर सरकारले खोप लगाउने भएको हो ।
स्वास्थ्य मन्त्रालयले परेको परिपत्र अनुसार ६० वषदेखि ६४ बर्षभित्रका बृद्धाहरुलाई प्राथमिकता दिन भनिएको छ ।
काठमाडौं उपत्यकाका तीनै जिल्लामा ६२ देखि ६४ वर्ष उमेर समूहका बृद्ध बृद्धाहरुलाई खोप लगाइने भएको छ ।
काठमाडौं महानगरपालिकाले चिनियाँ खोपको पहिलो डोज लगाउनका लागि ३२ वटा केन्द्र तोकेको छ । गोदावरी नगरले पनि हरेक वडामा आज खोप दिने भएको छ ।