२३ असार ०७८, काठमाडौं । निर्वाचन आयोगले जनता समाजवादी पार्टी (जसपा) को विवाद समाधान गर्न पाँच सदस्यीय इजलास गठन गरेको छ ।
बुधबार बसेको आयोगको बैठकले प्रमुख आयुक्त दिनेश थपलियाको नेतृत्वमा पाँच सदस्यीय इजलास गठन गरेको आयोगका प्रवक्ता राजकुमार श्रेष्ठले जानकारी दिए । इजलासले आगामी साउन ३ गते जसपाका दुवै पक्षलाई सुनुवाइका लागि बोलाएको पनि प्रवक्ता श्रेष्ठले बताए ।
राजनीतिक दलसम्बन्धी ऐन अनुसार आयोगले मंगलबार अध्यक्ष महन्थ ठाकुर पक्ष र अर्का अध्यक्ष उपेन्द्र यादव पक्षसँग छलफल गरेको थियो । तर ऐनअनुसार दुबै पक्षलाई बोलाएर सहमति जुटाउने प्रयास असफल भएपछि सुनुवाइ प्रक्रिया थालिएको आयोगले जनाएको छ ।
प्रतिक्रिया