राष्ट्रपति भण्डारीद्वारा संवैधानिक परिषद् सम्बन्धी अध्यादेश खारेज

३ साउन ०७८, काठमाडौं । संवैधानिक परिषद्सम्बन्धी अध्यादेश खारेज भएको छ । सरकारको सिफारिसमा राष्ट्रपति विद्यादेवी भण्डारीले संवैधानिक परिषद् सम्बन्धी अध्यादेश खारेज गरेकी हुन् ।

राष्ट्रपति कार्यालयका सहायक प्रवक्ता केशवप्रसाद घिमिरेका अनुसार मन्त्रिपरिषद्को साउन २ मा गरेको सिफारिस अनुसार यो अध्यादेश खारेज भएको हो ।

यसअघि ओली नेतृत्वको सरकारको पालामा जारी भएको यो अध्यादेशको चौतर्फी विरोध हुँदै आएको थियो ।