नयाँ दल खोल्न अब केन्द्रीय समिति वा संसदीय दलमा २० प्रतिशत

१ भदौ ०७८,काठमाडौं । सरकारले ‘राजनीतिक दलसम्बन्धी ऐन २०७३’ संशोधन गर्दै मस्यौदा तयार गरेको छ । मस्यौदामा नयाँ दल खोल्न केन्द्रीय समिति वा संसदीय दलमा २० प्रतिशत सदस्य भए पुग्ने उल्लेख गरिएको छ ।
एमाले वरिष्ठ नेता माधवकुमार नेपालसँगको छलफलपछि मस्यौदामा २० प्रतिशत कायम गरिएको हो । यसअघि गृह र कानुन मन्त्रालयबाट मस्यौदा भएर जाँदा प्रतिशत राखिएको थिएन ।
अध्यादेशमा राजनीतिक दल विभाजन भएको २१ दिनभित्र प्रदेशसभाका सदस्य र स्थानीय तहका जनप्रतिनिधिले नयाँ दल रोज्न चाहेमा सम्बन्धित सभामा सूचना दिन सक्ने व्यवस्था गरिएको छ ।