उपत्यकामा चार सय ४० सहित नेपालमा थप १०४३ जनामा कोरोना संक्रमण

२० असोज ०७८, काठमाडौं । नेपालमा आज १०४३ जना कोरोना भाइरसका संक्रमित थपिएका छन् । स्वास्थ्य तथा जनसंख्या मन्त्रालयका अनुसार थप १२ जनाको मृत्यु भएको छ । यो समेत गरी हालसम्म मृत्यु हुनेको संख्या ११ हजार १९२ पुगेको छ।

आज ८९१ जना कोरोना संक्रमणमुक्त भएका छन्। हाल देशभर १६ हजार १९४ सक्रिय संक्रमित रहेका छन्।

गत चौबीस घन्टामा ११ हजार १६५ पीसीआर तथा ४ हजार ३०० एन्टिजेन परीक्षण भएको छ। काठमाडौं उपत्यकामा थप चार सय ४० जना संक्रमित थपिएका छन्।
मन्त्रालयका अनुसार काठमाडौंमा तीन सय ४४ जना, भक्तपुरमा ३५ जना र ललितपुरमा ६१ संक्रमित थपिएका हुन्।