ललितपुरमा ८० हजार जनसंख्या थपियो, पुरुष धेरै महिला थोरै

ललितपुर खबर
१३ माघ ०७८, काठमाडौं । दश वर्षपछि ललितपुरको जनसंख्यामा बढेको छ । जनगणना २०७८को नतिजा अनुसार ललितपुरको जनसंख्यामा यस जिल्लामा ८० हजार २ सय ६९ जना बढेको हो ।
२०६८ सालमा ललितपुरमा ४ लाख ६८ हजार १ सय ३२ जना जनसंख्या रहेको थियो भने भर्खरै गरिएको जनगणनामा ५ लाख ४८ हजार ४ सय १ जना रहेको तथ्याङ्क सार्वजनिक गरिएको छ । जिल्लामा रहेको ९७ हजार ३ सय ५४ घरधुरीमा जरिएको गणना अनुसार यो तथ्याङ्क सार्वजनिक गरिएको तथ्याङ्क विभागले बताएको छ ।

जिल्लामा १ लाख ४१ हजार १२ परिवार रहेका छन् । ललितपुरमा २ लाख ७५ हजार ५ सय ३७ पुरुष र २ लाख ७२ हजार ६ सय ६४ जना महिला रहेका छन् ।
राजधानी काठमाडौंसँग जोडिएको जिल्ला भएकाले राजधानीमा बढ्दो बसाई सराई कारण दश वर्षमा ८० हजार संख्या बढेको अनुमान छ ।
पछिल्लो समय दक्षिण ललितपुरबाट ललितपुरको काँठ क्षेत्रमा जिल्लाको आन्तरिक बसाई सराईको दर समेत ह्वात्तै बढेको छ ।