जेठमा स्थानीय निर्वाचन गर्न सत्तारुढ दल सहमत

१५ माघ ०७८, काठमाडौं । आज बसेको पाँच दलिय उच्चस्तरीय समितिको बैठकपछि सत्तरुढ दल जेठमा स्थानीय निर्वाचन गर्न सहमत भएको छ ।
एकीकृत माओवादीका अध्यक्ष पुष्पकमल दाहालकी सहयोगी गंगा दाहालका अनुसार बैठकले स्थानीय तहको निर्वाचन जेठ महिनाभित्र सम्पन्न गर्न प्रधानमन्त्रीमार्फत सरकारलाई सुझाव दिने निर्णय गरेको छ ।
दाहालका अनुसार संविधानसङ्ग बाझिएका निर्वाचन कानुन एवं ऐनलाई आवश्यक संशोधन गर्नको लागि सरकारलाई सुझाव दिने समेत निर्णय गरेको छ । आज साँझ बसेको पाँच दलीय सत्तरुढ गठबन्धनको बैठकमा जनमोर्चा नेपाल बाहेक सबै दलको प्रतिनिधित्व थियो ।