मित्रता कायम गर्न लम्पसार नै हुनुपर्छ भन्दै प्रधानमन्त्रीलाई लोहनीको प्रश्न

चैत १९ गते काठमाडौं । भारत भ्रमणमा रहेका प्रधानमन्त्री शेरबहादुर देउवाको पूर्वपरराष्ट्रमन्त्री तथा राप्रपा नेता डा.प्रकाशचन्द्र लोहनीले आलोचना गरेका छन् । उनले प्रधानमन्त्री देउवा भारतमा भारतीय जनता पार्टी र सोही पार्टीको सरकारसामु ‘लम्पसार’ भए‘को टिप्पणी गरेका छन् ।

प्रधानमन्त्री देउवाले पदीय मर्यादासमेत नराखेको लोहनीको आरोप छ ।प्रधानमन्त्री देउवा शुक्रबार भारतको तीन दिने औपचारिक भ्रमणमा गएका हुन् । उनले त्यहाँ विपक्षी दलको नेतासँग नभेटेको र भारतीय जनता पार्टीको कार्यालयमै गएर उक्त पार्टीका नेतासँग भेटेको भन्दै पूर्वपरराष्ट्रमन्त्रीदेखि परराष्ट्र मामिलाका जानकारहरूले देउवाको आलोचना गर्दै आएका छन् ।

आज सामाजिक सञ्जाल ट्वीटरमा डा.लोहनीले लेखेका छन्, ‘सम्मानीय प्र.म.देउवाले भारतमा दुईटा नयाँ कुरा गरिसक्नुभयो । पहिलो, उहाँले प्रतिपक्षी नेतासँग भेट्नु भएन । दोस्रो उहाँले बिजेपी नेतासँग भेट्न पार्टी अफिसमै जानुभयो । मेरो प्रश्न के मित्रता कायम गर्न ‘लम्पसार’ नै हुनुपर्छ र ? ‘आफ्नो मर्यादा आफैंले राख्ने कि नराख्ने ? लोहनीले अर्को प्रश्न गरेका छन् ।