ललितपुरका मतदान केन्द्रमा तस्विर खिच्न निषेध

३० वैशाख ०७९, ललितपुर।  ललितपुरका मतदान केन्द्रमा फोटोपत्रकारहरूलाई तस्विर खिच्न निषेध गरिएको छ । ललितपुरको चापागाँउमा भेटिएका एक फोटोपत्रकारले वाणीविलास स्कुलमा रहेको मतदान केन्द्रमा तस्विर खिच्न रोकेको बताए । उनका अनुसार मतदान केन्द्रमा केही अगाडि गएर तस्वीर खिच्न पहिले अनुमती दिएको तर तस्विर खिच्न लाग्दा अपमानपुर्ण व्यावहार गर्दै बाहिर निकालेको थिए ।

जिल्ला निर्वाचन प्रमुख गिता धमालाले जिल्लामा संचार माध्यमहरूलाई तस्विर खिच्न निषेध गरिएको बताइन् । उनले भनिन् ,हामीले तालिम दिने बेलामै फोटो खिच्न नदिनु भनेका छौं ।फोटोपत्रकारले पनि तस्विर खिच्न मिल्दैन ।

ललितपुरकै केही मतदान केन्द्रमा भने उम्मेदवारले भोट खसाल्दै गरेको तस्विर खिच्न भने दिइएको छ । लेलेमा भेटिएकी एक पत्रकारले ठूला नेताको मात्रै तस्विर खिच्न दिएको तर सर्वसाधारणको खिच्न निषेध गरेर निर्वाचन आयोगले पक्षपात गरेको आरोप लगाइन् ।