ललितपुरको महाकाल गाँउपालिकाका सबै वडामा काँग्रेस विजयी, एमाले दोश्रो (मतगणनाको परिणामसहित)

३ जेठ ०७९, ललितपुर । दक्षिण ललितपुरको महाकाल गाँउपालिकाको पालिका अध्यक्षसहित सबै वडा नेपाली काँग्रेसले जितेको छ ।
निर्वाचन आयोगको मत परिणाम अनुसार नेकपा एमाले सबै वडामा दोश्रो भयो ।

पालिकाको वडाहरुमा नेपाली काँग्रेसका रामप्रसाद दाहाल,जोनीकुमार न्यासुर,मनोजकुमार पराजुली,कृष्णप्रसाद तिमल्सिना, भुमिनन्द घिमिरे र विनोद चौरेल विजयी भएका हुन् ।
यस पालिकाको अध्यक्षमा नेकपा माओवादी काँग्रेस गठबन्धनका उम्मेदवार गणेश केसी र गठबन्धनकै उपध्यक्ष उम्मेदवार डोल्मा माया गोले विजयी भएकी छिन् ।
गाँउपालिकाकी निर्वाचन अधिकृत सुशीला ज्ञावालीका अनुसारनेपाली काँग्रेसका नेता समेत रहेका अध्यक्षका विजयी गणेश केसीले ३ हजार ४ सय ५५ मत पाएपछि विजयी घोषणा गरिएको हो । उनका निकतम प्रतिश्पर्धी नेकपा एमालेकी कमला तामाङले २ हजार ८ सय ८७ मत ल्याएकी छिन् ।
नेकपा माओवादी केन्द्रका नेता भगिरथ तिमल्सिनाले स्वतन्त्र रुपमा अध्यक्षको उम्मेदवारी दिएकोमा उनले २ सय ३८ मत ल्याएका छन् ।
उपाध्यक्षमा विजयी गोलेले ३ हजार १ मत ५२ ल्याएकी छिन् । उनका निकतम प्रतिश्पर्धी नेकपा एमालेका पुरुषोत्तम हुमागाँईले २ हजार ७ सय ८७ मत ल्याएका छन् ।
नेकपा एककृत समाजबादीका अध्यक्ष उम्मेदवार राजनप्रसाद बञ्जाराले ९ मत पाएका छन् । राप्रपाका अध्यक्षका उम्मेदवार सुरेस घिमिरेले २३ मत पाए भने उपाध्यक्ष उम्मेदवार सञ्चमायाँ सिंगारले ५९ मत ल्याएकी छिन् ।
महाकाल गाँउपालिकाको १ नम्बर वडा बुखेलमा नेपाली काँग्रेसका रामप्रसाद दाहाल विजयी भए । उनले ४ सय ७४ मत ल्याएका छन् भने उनका निकटम प्रतिश्पर्धी नेकपा एमालेका अनिष्थ दाहालले ३ सय ३० मत पाए ।
वडा नम्बर २ बुखेलमा नेपाली काँग्रेसकै जोनीकुमार न्यासुर विजयी भए । उनले ५ सय ६८ मत पाए भने निकटतम प्रतिश्पर्धी नेकपा एमालेका सञ्चमान स्याङतानले ३ सय ४६ मत पाए ।
वडा नम्बर ३ गोटिखेलमा मनोजकुमार पराजुली विजयी भए । उनले ७ सय २० मत पाए । उनका निकटतम प्रतिश्पर्धी गंगाराम तिमल्सिनाले ५ सय ८७ मत पाए ।
वडा नं. ४ चन्दनपुरमा कृष्णप्रसाद तिमल्सिना विजयी भए उनले ७ सय १७ मत पाए भने निकटतम प्रतिश्पर्धी शान्तप्रसाद गौतमले ४ सय ४९ मत पाए ।
वडा नं. ५ कालेश्वरमा नेपाली काँग्रेसका भुमिनन्द घिमिरे निर्वाचित भए । उनले ४ सय ८२ मत पाए भने उनका निकटतम प्रतिश्पर्धी नेकपा एमालेका राजकुमार घिमिरेले ३सय ८० मत पाए ।
वडा नम्बर ६ ठूलादुर्लुङमा विनोद चौरेल विजयी भए । उनले ५ सय २१ म्त पाए भनेृनका निकटम प्रतिश्पर्धी नेकपा एमालेका रमण बञ्जाराले ४ सय २८ मत पाए ।