ललितपुर एमालेद्वारा निर्वाचनमा ‘अन्र्तघाती’गर्नेलाई चोख्याउने संकेत

ललितपुर खबर
२० साउन ०७९, ललितपुर । स्थानीय निर्वाचनमा टिकट नपाएको बन्दै असन्तुष्ट बनेर पार्टीलाई अन्र्तघात गरेका भनिएका नेता कार्यकर्तालाई नेकपा एमालेले अन्नतः प्रदेश र केन्द्रको निर्वाचनको क्रममा चोख्याएर पठाउने संकेत दिएको छ ।
ललितपुरका विहीबार आयोजित कार्यक्रममा एमाले उपाध्यक्ष विष्णु पौडेलले पार्टीभित्र अन्र्तघात गर्नेलाई कारवाहीको दायरामा ल्याउनु पर्ने बताए तर उनले कारवाहीको प्रकृती फरक हुने तर्क गर्दै अन्र्तघातीलाई जोगाउनेतर्फ संकेत गरे । उनले भने, ‘कतिपयलाई आलोचना गरेर कारवाही गनुपर्छ । हिजो अन्र्तघात गर्नेकालाई त्यसको मनमा ढडेलो लागोस् ।’ अन्र्तघात गर्नेले अर्को गल्ती नगरोस भन्ने आफूहरुले चाहेको बताए । ललितपुर जिल्ला इन्चार्ज सुशीला नेपालले आफूहरुले अन्र्तघात गर्ने १० जनालाई जिल्ला कमिटीले कारवाही गरेको बताइन् । उनले भनिन्, ‘जति बेला पार्टीलाई चाहिन्छ त्यो बेला काम नलाग्ने नेता किन चाहियो ।’

आफूहरुले कल्पना नै नगरेको नेताहरुले असहयोग गरेको गुनासो आएको नेतृ नेपालले बताइन् । उनले आफूले टिकट नपाउदैमा यसरी अन्र्तघाट गर्ने हो भने पार्टी कहाँ पुग्छ भन्दै प्रश्न गरिन् । उनले कसैलाई चित्त नबुझे भन्न र आफू जिल्ला इन्चार्ज छोड्न तयार रहेको बताइन् । उनले भनिन्,मैले निर्वाचनका क्रममा गरेको निर्णयको गल्तीको आफूले आत्मलोचना गरेको बताइन् ।
अन्र्तघात छानविन कमिटीका सदस्य वावुकाजी प्रधानले विभिन्न ठाँउबाट अन्र्तघात गरेको भन्दै नेताहरुको तोकेरै ठाडो निवेदन आएको बताए । उनले भने, ‘हामीले सम्बधित आरोपीलाई बोलाएर स्प्रष्टिकरण लिएको छौं ।’ उनले केही ठाँउबाट रिपोर्ट आएको छैन । हप्ता दिनमै हामी काम सक्ने तयारीमा रहेको बताए ।
छानविन कमिटीका संयोजक सुरेन्द्र मोहन शर्माले आफूहरुले केही दिनमा छानविनपछि निस्केको निष्कर्ष र अन्र्तघातीहरुलाई कारवाहीको लागि सम्बन्धित कमिटीमा सिफारिस गर्ने बताए ।
एक नेताले ललितपुर खबरसँग नाम नबताउने शर्तमा बताए अनुसार छानविन कमिटी नेताहरु तर्सान मात्र बनाएको हो । मंसिर ४ गते प्रदेश र केन्द्रको निर्वाचन आएको कारण कसैलाई यो पल्ट कारवाही हुँदैन ।