चोलेन्द्रविरुद्धको महाभियोग प्रस्ताव समितिमा पठाइयो

२२ साउन ०७९, काठमाडौं । प्रतिनिधि सभाले सर्वोच्च अदालतका निलम्बित प्रधानन्यायाधीश चोलेन्द्र शमशेर जबराविरुद्ध दर्ता भएको महाभियोग समितिमा पठाएको छ।

संसद्‍ले गठन गरेको ११ सदस्यीय महाभियोग छानबिन समितिमा पठाउने प्रस्ताव आइतबारको प्रतिनिधि सभा बैठकको बहुमतले पारित गरेको हो।  फागुन १ गते जबराविरुद्ध सत्तापक्षका सांसदहरुले महाभियोग दर्ता गरेका थिए।  अब समितिले ३ महिनाभित्र जबरामाथि लागेको आरोपमा छानबिन गरेर प्रतिवेदन बुझाउनुपर्ने छ।