ललितपुरको ठैवमा पाहुना नै मृत फेला

१ असोज ०७९, ठैव । ललितपुरको ठैव बाँडेगाँउमा एक युवक मृत अवस्थामा फेला परेका छन् ।
प्रहरीका अनुसार गोदावारी नगरपालिका १४ ठैव बाँडेगाँउस्थित हाडेगाउँ डेरा गरी बस्ने बागलुङ घर भएकी अम्बिका बुढाथोकीको कोठामा पाहुना आएका बागलुङ बुर्तीबाङ घर भएका २० वर्षीय जनक खत्री सुतेकै ठाउँमा शुक्रबार मृत अवस्थामा फेला परेका हुन् ।
साथै काठमाडौंको धुमबराहीमा समेत अर्का पुरुष मृत फेला परेका छन् । प्रहरीका अनुसार काठमाडौं महानगरपालिका ४ धुम्बाराहीस्थित यात्रु प्रतिक्षालयभित्र हाल नाम, थर, वतन नखुलेका करिब ५५ वर्षीय पुरूष शुक्रबार मृत अवस्थामा फेला परेका छन् ।