२ असोज ०७९, काठमाडौं । उच्च अदालत पाटनले टुकुचा खोला मिचेर बनाएको संरचना नभत्काउन अन्तरकालीन आदेश जारी गरेको छ । न्यायाधीश दिपेन्द्रबहादुर बमको इजलासले टुकुचा खोला मिचेर बनाएको संरचना तत्काल नभत्काउन अन्तरकालीन आदेश जारी गरेको हो । प्रेसिडेन्ट ट्राभल्स एण्ड टुर्स प्रालिको तर्फबाट भोलाविक्रम थापासमेतले दायर गरेको रिटमाथि सुनुवाइ गर्दै यस्तो आदेश दिएको हो ।
काठमाडौं महानगरले टुकुचा खोला मिचेर बनाइएका संरचना धमाधम भत्काइरहेको छ । अदालतले असोज ५ गते दुबै पक्षलाई छलफलमा बोलाएको छ । उच्च अदालत पाटनका रजिस्ट्रार ठगिन्द्र कट्टेलका अनुसार प्रक्रिया बमोजिम नक्सा पास गरेको र निर्माण सम्पन्नको प्रमाणपत्र समेत लिएको देखिएकाले तत्काल संरचना नभत्काउन अन्तरकालीन आदेश दिँदै दुबै पक्षलाई छलफलमा बोलाएको हो ।
प्रतिक्रिया