ललितपुर धोबीघाटको कबाडी कारखानामा आगलागी, ३ जना घाइते

५ असोज ०७९, ललितपुर।  ललितपुर धोबीघाटमा रहेको कबाडी कारखानामा आगलागी हुँदा तीन जना घाइते भएका छन् । आगलागीबाट दुई जना भारतीय नागरिक र एक जना नेपाली नागरिक घाइते भएका प्रहरीले जनाएको छ ।

चितवन घर भइ धोबीघाट बस्दै आएका ३० वर्षका गणेश गुरुङ, भारत घर भई धोबीघाट नै बस्दै आएका ४५ वर्षका शिवनारायण केदा र राम आशिस शाह जलेर घाइते भएका हुन् । तीनै जनाको स्टार अस्पताल सानेपामा उपचार भइरहेको छ । विद्युत् शर्ट भएर आगलागी भएको प्रहरीले जनाएको छ ।