ललितपुरकी सासंद डा. तोसिमालाई मन्त्री भएको भन्दै बधाईको ओइरो, भन्छिन्, ‘जानकारी छैन’

ललितपुर खबर
२ माघ । वालुवाटारमा बसेको सत्ता गठबन्धनको बैठकपछि मन्त्री परिषद विस्तारको लागि भागबण्डा मिलेको खबरसँगै ललितपुरकी सासंद डा. तोसिमा कार्कीलाई सामाजिक सञ्जालमा बधाईको दिन थालेका छन् ।
तर प्रधानमन्त्री पुष्पकमल दाहाल प्रचण्डले मन्त्रीपरिषद विस्तार गरिसकेका छैनन् । डा. तोसिमा कार्कीको पार्टी राष्ट्रिय स्वतन्त्र पार्टीका अध्यक्ष रवि लामिछानेलाई पार्टीले मन्त्री छान्ने अधिकार दिएको छ ।
गृहमन्त्री समेत रहेका अध्यक्ष लामिछानेले विज्ञताका आधारमा मन्त्री छान्ने बताइरहँदा सर्वदलीय बैठकमा स्वास्थ्य र शहरीविकाश सहित एक राज्यमन्त्री राष्ट्रिय स्वतन्त्र पार्टीले पाएको खबरहरु आइरहेका छन् । यिनै सूचनाका आधारमा सासंद डा. कार्कीलार्इं बधाई दिएका हुन् ।
तर डा. कार्कीले शुभकामना र धन्यवाद दिएकी छिन् । उनले सामाजिक सञ्जालमा लेखेकी छिन्,‘तर मन्त्रालय कुन कुन कसलाई र को को भन्ने जानकारी हामीलाई पनि आईसकेको छैन सामाजिक सन्जालमा आएका सुचनाहरु आधिकारिक होईनन् धन्यवाद’