प्रधानमन्त्री प्रचण्डले गरे अङ्गदानको घोषणा

काठमाडौं
६ माघ । प्रधानमन्त्री पुष्पकमल दाहाल ‘प्रचण्ड’ले अंगदान गर्ने घोषणा गरेका छन् ।
सहिद धर्मभक्त राष्ट्रिय प्रत्यारोपण केन्द्रले एक हजार जनाको मिर्गौला प्रत्यारोपण सफलताका साथ सम्पन्न भएको अवसरमा आज यहाँ आयोजित प्रत्यारोपितको बृहत् भेलामा प्रधानमन्त्री दाहाल र स्वास्थ्यमन्त्री पदम गिरीले मृत्युपश्चात आफ्ना अङ्ग दान गर्ने घोषणा गरेका छन् ।
सो अवसरमा प्रधानमन्त्री दाहाललाई केन्द्रका निर्देशक डा पुकारचन्द श्रेष्ठले दाता कार्ड हस्तान्तरण गरेका थिए । यस्तै स्वास्थ्यमन्त्री गिरीलाई प्रधानमन्त्री दाहालले दाता कार्ड हस्तान्तरण गरेका छन् ।