सिन्धुलीमा ट्रयाक्टर र मोटरसाइकल ठोक्किँदा दुई जनाको मृत्यु

सिन्धुली, १ फागुन । सिन्धुलीमा रोकिराखेको ट्याक्टरमा मोटरसाइकल ठोक्किँदा दुई जनाको ज्यान गएको छ । मदन भण्डारी लोकमार्ग अन्तर्गत मरिण गाउँपालिका–७ महेश्वता क्याम्पस चोक नजिकैको नङगेडी पुलनजिकै रोकी राखिएको ना ३ त १६० नम्बरको ट्र्याक्टरसँग बा ५८प ९०९८ नम्बरको मोटरसाइकल ठोक्किएको हो।
दुर्घटनामा मरिण गाउँपालिका–४ का ३३ वर्षका जितेन्द्र माझी र त्यही ठाउँका ३२ वर्षका मेषबहादुर माझीको ज्यान गएको जिल्ला प्रहरी कार्यालय सिन्धुलीले जनाएको छ ।