काठमाडौं महानगरका मेयर बालेनले गृहमन्त्रीमाथि लगाए वागमती किनारको अबैध घर टहरा संरक्षण गरेको आरोप

१३ बैशाख । काठमाडौं महानगरका मेयर बालेन शाहले गृहमन्त्री नारायणकाजी श्रेष्ठमाथि वागमती किनारका अवैध संरचना संरक्षण गरेको गम्भिर आरोप लगाएका छन् ।
सामाजिक सञ्जालमा लेख्दै महानगरका मेयर बालेनले वागमती किनारको बस्ती हटाउन कुन कानुन र नैतिकताका आधारमा यस्ता अवैध संरचना संरक्षण गर्नु हुन्छ भन्दै प्रश्न गरेका छन् । उनले ‘गृहमन्त्री ज्यु ? कसरी कानुनीराज्यको अनुभुती दिलाउनु हुन्छ गृहमन्त्री ज्यु ?’ भन्दै प्रश्न गरेका छन् ।

मेयर बालेनले स्मरणका लागि भन्दै २०७६ साउन २० गते सम्मानित सर्वोच्च अदालतबाट बागमती, बिष्णुमती, मनोहरा र यीनका सहायक नदिहरुको जग्गा अतिक्रमण गरेर बनाइएका घरटहरा तथा संरचनाहरु भत्काएर नदिको स्वच्छता कायम गराउन तथा सार्वजनिक जग्गाको संरक्षण गर्न आदेश भएको उल्येख गरेका छन् ।

उनले आज फेरि उच्च अदालतले बागमती सभ्यताको विरुद्ध बस्ती नहटाउन परेको रिटमा अन्तरिम आदेश जारी नभएको अवस्था रहेको लेखेका छन् ।
उनले भनेका छन्,‘यदि कुनै कानुनले कसैमाथि अन्याय गरिरहेको छ भने तत्काल कानुन परिवर्तन गर्न सार्वजनिक अपील गरेर प्रक्रिया सुरु गर्नुहोस्, या कानुन बमोजिमको शासन व्यवस्था अँगाल्नुहोस् ।’