‘महाभारत’ को कथामा फिल्म बनाउँदै बाहुबलीका निर्देशक राजामौली

काठमाडौं, २७ वैशाख । ‘बाहुबली’ का निर्देशक एसएस राजामौलीले ‘महाभारत’ को कथामा आधारित फिल्म बनाउने भएका छन् । राजामौली १० भागमा उनले ‘महाभारत’ बनाउने तयारी गरेका हुन् ।

उनले भनेका छन्, ‘मैल महाभारत बनाउँदा एक वर्षको समयावधि लाग्नेछ । जुन १० भागको हुनेछ । म अहिले महाभारत बनाउनका लागि केही न केही सिकिरहेको छु । महाभारत बनाउने मेरो सपना हो । त्यो सपना पुरा गर्नमा दृढ छु ।’

राजामौलीले फरक शैलीको महाभारत बनाउँदैछन् । ‘महाभारतको कथा त्यही हुनेछ, तर यसका पात्रहरुको काम भने गम्भीर किसिमको हुनेछ । जुन चरित्रका लागि महाभारत लेख्नेछु, त्यो तपाईं हामीले पढेको चरित्र भन्दा फरक हुनेछ’, उनले भनेका छन् ।