गोगंबुमा बस चढेका युवकको पाकेटमार गरेर भाग्ने दुई जना पक्राउ

१९ जेठ । काठमाडौं महानगरपालिका २६ गोगंबुस्थित सार्वजनिक यातायातमा पाकेटमारी भाग्दै गरेको अवस्थामा २ जनालाई बिहीबार साँझ प्रहरीले पक्राउ गरेको छ ।
प्रहरीका अनुसार पक्राउ पर्नेहरुमा तनहुँ बन्दीपुर गाउँपालिका ५ घर भई हाल काठमाडौं टोखा नगरपालिका ८ बानियाँटार बस्ने ३० वर्षीय मणिराज गुरुङ र सिन्धुपाल्चोक बलिफी गाउँपालिका ५ घर भई हाल काठमाडौं महानगरपालिका २६ बस्ने २९ वर्षीय आशिष ठकुरी रहेका छन् ।

काठमाडौं महानगरपालिका २६ गोगंबुस्थित सार्वजनिक यातायातमा सवार १ जना पीडितको साथबाट उनीहरुले नगद ३४ हजार रुपैयाँ पाकेटमार गरी भाग्ने क्रममा प्रहरी प्रभाग गोगंबुबाट खटिएको प्रहरीले पक्राउ गरेको थियो ।
घटनाका सम्बन्धमा प्रहरीले थप अनुसन्धान गरिरहेको जानकारी दिएको छ ।