धरानका मेयर हर्कले पानी ल्याएपछि कलाकारहरुले गरे प्रशंसा

ललितखबर
३१ जेठ । धरानका मेयर हर्क सम्पाङले कोकाहा खोलाको पानी धरानमा ल्याएपछि कलाकारहरुले प्रशंशा गरेका छन् ।
सामाजिक सञ्जालमा फोटो शेयर गर्दै कलाकारहरुले मेयर सम्पाङको कामको तारिफ गरेका हुन् ।
पछिल्लो पुस्ताकी चर्चिक अभिनेत्री केकी अधिकारीले मेयर सम्पाङले धरानमा पानी ल्याएको पत्रिकाको समाचारको कटिङ राख्दै ‘कुनै आँसु यस्ता पनि, कर्ष र जीत जस्ता पनि, कुनै आँशु यस्ता पनि, दुःख विसाए जस्ता पनि’ भन्दै लेखेकी छिन् ।
छक्कापञ्जा सिरिजमा चर्चा र सफलता पाएका अभिनेता दिपकराज गिरी पनि हर्कको कामको तारिफ गर्न अघि सरेका छन् । उनले मेयर सम्पाङले नुहाइरहेको तस्विर पोष्ट गर्दै ‘हो ! यस्ता फोटा ले चाहि आनन्द दिन्छ !ठूला राजनीतिक गफ होइन ,बिकास मात्रै लक्ष्य!’ भन्दै अर्ति समेत दिएका छन् ।
सिने नगरीकी सुन्दरी नायिका करिष्मा मानन्धरले पनि हर्कको हर्षमा इटा थप्दै ‘मेयर साप ! धरानवासि जनताहरुलाई ४२ किलोमिटर टाढा रहेको कोकाहाको पानी खुवाउँन सफल हुनु भो ्र येस्तै अनेकौं सफलताको शुभकामना छ’ भन्दै लेखेकी छिन् । करिष्मा नेकपा एमालेकी नेता समेत हुन् ।
अभिनेत्री स्वस्तिमा खड्काले सामाजिक सञ्जालमा हर्कको तस्विरसँगै मायाँ र मुटुको इमोजी शेयर गरेकी छिन ।