चलचित्र ‘ह्यासट्याग माया’को छायाँकन गरेर फर्केका अभिनेता सारुक ताम्राकारले गरे आत्महत्या

शुक्रबार विहान उनले घरको सिडीमा पासो लगाएर आत्महत्या गरेको अवस्थामा फेला परेका छन्

२२ असार । बिहिबार चलचित्र ‘ह्यासट्याग माया’को छायांकन गरेर फर्केका अभिनेता सारुक ताम्राकारले आत्महत्या गरेका छन् ।
प्रहरीका अनुसार शुक्रबार विहान उनले घरको सिडीमा पासो लगाएर आत्महत्या गरेको अवस्थामा फेला परेका छन् । उनको शवलाई पोष्टमार्टमका लागि टिचिङ अस्पताल लगिएको छ ।

उनले ‘इन्टु मिन्टु लण्डनमा, रानी, मेरी मामु’ लगायतका चलचित्रमा अभिनय गरेका छन् ।

पछिल्लो समय अभिनेत्री नायिका नम्रता श्रेष्ठसँग ‘ह्यासट्याग माया’ चलचित्र सुटिङ चलिरहेको थियो । छायांकन करिब ४० प्रतिशत सकिएको अवस्थामा उनले आत्महत्या गरेको निर्माण पक्षले जानकारी दिएको छ ।