अभिनेत्री वर्षाले भनिन्, ‘निर्माताज्यू मलाई राम्रो रोल दिनुस्’

राम्रो गीत अफर आए गीतमा पनि नाच्छु

२४ असार । कोरोनापछि खुलेका चलचित्र भवनमा पनि पछिल्लो समय नेपाली चलचित्रको व्यापार छैन । अरु अभिनेता अभिनेत्रीहरु पनि फुर्सदमै छन् ।
नेपाली चलचित्रको घट्दो व्यापारपछि ठूलो पर्दामा खेल्ने अभिनेता अभिनेत्री म्युजिक भिडियोमा झरिसके । आजकल अभिनेत्रीहरु चलचित्रमा मुख मात्रै देखाउन पाए पनि अनुबन्धन हुन तछाडमछाड गरिरहेका छन् ।
कोराना माहामारीपछि अभिनेत्री बर्षा सिवाकोटी फुर्सदमा छिन् । पछिल्लो समय चलचित्र गणपतिको टुकी झ्याप्पै आइटम गीतमा उनी झुल्केकी छिन् । लामो समयपछि नेपाली चलचित्रको पत्रकार सम्मेलनमा राजधानीमा अभिनेत्री सिवाकोटी सहभागी भइन् । कार्यक्रममा उनले चलचित्र गणपतिको आइटम गीतमा नृत्य गर्न पाउँदा खुशी लागेको बताइन् । उनले निर्मातालाई भनिन्, आगामी चलचित्रमा यो भन्दा राम्रो शसक्त भुमिका दिनु होला ।
तीनबर्ष कुनै पनि नयाँ चलचित्रमा हस्ताक्षर नगरेककी बर्षाले सार्वजनिक कार्यक्रममै चलचित्र खेल्न ठाँउ माग्नुले चलचित्र क्षेत्रको खरेडी झल्काउछ ।
कार्यक्रममा पत्रकारको प्रश्नको उत्तर दिने क्रममा बर्षाले राम्रो र चित्तबुझ्दो भूमिका पाए जुनसुकै चलचित्रमा अभिनय गर्ने बताएन् । उनले भनिन्, ‘राम्रो गीत अफर आए गीतमा पनि नाच्छु’
बर्षालाई पछिल्लो समय चलचित्रको प्रोमोसनमा समय नदिएको आरोप लाग्ने गरेको थियो । चलचित्रको प्रमोसनमा औचित्य नहुँदा सहभागी नभएको उनको स्प्रष्टोक्ति थियो ।

हेर्नुस् भिडियो :