चलचित्र बगानको देशभर अग्रिम टिकट बुकिङ खुला, पायो युनिभर्सल सर्टिफिकेट

२७ असार । आगामी शुक्रबारबाट प्रर्दशनमा आउने चलचित्र बगानले सेन्सर बोर्डबाट संसारभर प्रर्दशन गर्न मिल्ने  युनिभर्सल सर्टिफिकेट पाएको छ ।
अभिनेता सरोज खनालद्वारा निर्देशित र अभिनेत्री करिष्मा मानन्धरको मुख्य भुमिका रहेको चलचित्र बगान देशभरका विभिन्न चलचित्र भवनहरुमा अग्रिम टिकट बुकिङ खुला गरिएको छ ।
निर्माण पक्षका अनुसार क्युएफएस चलचित्रको काठमाडौं सिभिलम ल, दरवार सिनेम्याक्स, भक्तपुर,किर्तिपुर, एफ क्यु, विग मुभिज, वान सिनेमा बानेश्वरमा बुकिङ खुलेको छ ।
चितवनको जल्मा, चितवन सिनेप्लेक्स, धरानमा फ्रेण्ड् सिनेमा,बुटवलमा क्युएफएक्स, सिमारामा केएसआर मुभिज,नेपालगञ्जमा क्युएफएस बागेश्वरी र विराजनगरमा क्युएफएक्स भाटभटेनीलगायत रहेका छन् ।
चलचित्रको प्रिमिगर आज राजधानीमा हुँदैछ ।