भक्तपुरमा स्कुटर टिपरमा ठक्करपछि युवकको मृत्यु

 टिपरमा ठोक्किएर बुधबार राति दुर्घटना हुँदा स्कुटर चालक भक्तपुर नगरपालिका २ इताछें बस्ने ३० वर्षीय सञ्जय पक्काको मृत्यु भएको हो

११ साउन । भक्तपुरमा एक युवकले चलाएको स्कुटर टिपरमा ठोक्किदा मृत्यु भएको छ ।
प्रहरीका अनुसार सूर्यबिनायक नगरपालिका ८ स्थित सडकमा हाल नम्बर नखुलेको मोटरसाइकलले बा.९५ प ६४१३ नम्बरको स्कुटरलाई ठक्कर दिएको थियो । सो मोटरसाइकलले ठक्कर दिएलगत्तै स्कुटर अनियन्त्रित भई बा.४ ख ११७२ नम्बरको टिपरमा ठोक्किएर बुधबार राति दुर्घटना हुँदा स्कुटर चालक भक्तपुर नगरपालिका २ इताछें बस्ने ३० वर्षीय सञ्जय पक्काको मृत्यु भएको हो ।
दुर्घटनामा गम्भीर घाइते भएका पक्काको मध्यपुर अस्पताल ठिमीमा उपचारको क्रममा मृत्यु भएको हो ।
प्रहरीले टिपर चालकलाई नियन्त्रणमा लिएर हाल फरार मोटरसाइकल र चालकको प्रहरीले खोजी गरिरहेको जानकारी दिएको छ ।
सवै दुर्घटनाका सम्बन्धमा प्रहरीले थप अनुसन्धान गरिरहेको प्रहरीको भनाई छ ।