काठमाडौं महानगरले बनायो माइतीघर सडकमै शौचालय

महानगरका ट्वाईलेट भेइकल ल्याएर राखे पनि धेरै फोहोर बढेपछि हटाएर अस्थायी शौचालय निर्माण गरिएको हो

ललितखबर
१२ साउन । काठमाडौं महानगरले माइतीघर मण्डला सडकमै अस्थायी शौचालय निर्माण गरेको छ ।
लामो समयदेखि विभिन्न समूह आन्लोलन गरेर बस्न थालेपछि माइतीघर वरपर फोहोर बढेपछि महानगरले शौचालन निर्माण गरेको हो ।

 

राती सडकमै दिसापिसाप गरिदिंदा यहाँको वातावरण गन्ध आएर घिनलाग्दो बनेको छ

महानगरको वातावरण व्यवस्थापन विभागका नगर प्रहरी वालकृष्ण कार्कीका अनुसार आन्दोलन पुरा भएपछि शौचालन निकाल्न मिल्ने गरि शौचालय निर्माण गरिएको हो ।
उनले भने,‘महानगरका ट्वाईलेट भेइकल ल्याएर राखे पनि धेरै फोहोर बढेपछि हटाएर अस्थायी शौचालय निर्माण गरिएको हो ।’
महानगरले टेण्डरमार्फत दुईवटा शौचालन निर्माण गरिरहेको उनले जानकारी दिए । उनका अनुसार सडकमा रहेको मंगालमा पाइप जोडेर डण्डी र जस्तापाता जोडेर शौचालन निर्माण गरिएको हो ।
एक होटल व्यावसायीले आन्दोलनकारीका कारण माइतीघर मण्डला ज्यादै फोहोर बढेको गुनासो गरे । उनले भने, ‘राती सडकमै दिसापिसाप गरिदिंदा यहाँको वातावरण गन्ध आएर घिनलाग्दो बनेको छ ।’
माइतीघर मण्डलामा लघुवित्त पिडित, सहकारी पिडिललगायतका समूहका लगभग २ सय जना प्रर्दश नगरिरहेका छन् । उनीहरु त्रिपाल राखेर रातमा समेत सडकमै सुतिरहेका छन् ।