गायिका मञ्जुको तीज गीत ‘यो तीजमा नजाने माइत’ सार्वजनिक

सधै माइत जाने महिलाहरु घर परिवारसँग रमाउन गीत बनाएको छु । आशा छ सबैले मन पराउनु हुनेछ

१८ साउन । राजधानीमा गायिका मञ्जु थापाको तीज गीत ‘यो तीजमा नजाने माइत’ एक कार्यक्रमकाबीच सार्वजनिक गरिएको छ ।
सार्वजनिक म्युजिक भिडियोमा अभिनेत्रीहरु अभिनेत्री शर्मिला मल्ल, दीपाश्री निरौला, रेजिना उप्रेती, नीता ढुंङ्गानाको नृत्य हेर्न सकिन्छ । गीतमा सङ्गीतकार शम्भुजीत बाँस्कोटाले सङ्गीतसँगै शव्द रचना रहेको छ ।
संगीतकार बास्केटाले आफूले फरक खाले तीज गीत ल्याएको बताए । भने, ‘सधै माइत जाने महिलाहरु घर परिवारसँग रमाउन गीत बनाएको छु । आशा छ सबैले मन पराउनु हुनेछ ।’ संगीतबार बास्कोटाले हरेक बर्ष एउटा गीत ल्याउने गरेको बताए ।
अभिनेत्री दिपाश्री निरौलाले तीज गीतको सुटिङको सेटमा बसेर नृत्य गर्दा चलचित्रको सुटिङ भइरहेको अनुभव भएको बताइन् । भनिन्, ‘पहिलेदेखि नै तीज गीतमा नृत्य गरिरहेको छु ।’
अभिनेत्री शर्मिला मल्लले नाच्न आफुलाई अल्छी लाग्ने अनुभव सुनाउदै कोरियोग्राफरले नचाएको खुलासा गरिन् ।

म्युजिक नेपालले सार्वजनिक गरेको गीतको भिडियो समेत सार्वजनिक भइसकेको छ ।