विकल्पमा कलाकार विनोद लिम्बुको कला प्रर्दशनी सुरु

५ बर्षदेखि कोरेको कलालाई पहिलोपल्ट प्रर्दशनमा ल्याएको छु । आशा छ, कला पारखीले मन पराउनु हुनेछ

ललितखबर
६ भदौं । ललितपुरको पुल्चोकस्थित विकल्प आर्ट सेन्टरमा कलाकार विनोद लिम्बुको कला प्रर्दशनी सुरु भएको छ ।
ललितपुर महानगरका मेयर चिरिवावु महर्जनले शुभारम्भ गरेको प्रर्दशनी आगामी भदौं २० गतेसम्म जारी रहने बताइएको छ ।
विनोद भन्छन्, ‘५ बर्षदेखि कोरेको कलालाई पहिलोपल्ट प्रर्दशनमा ल्याएको छु । आशा छ, कला पारखीले मन पराउनु हुनेछ ।’

विकल्प आर्टका संस्थापक सरोज महत्तो आफू वैकल्पिक कलाकारहरुलाई विकल्पको रुपमा ठाँउ दिन ग्यालरीको उपयोगिता गरिरहेको बताउछन् ।
उनले कलाकार विनोद लिम्बुको कलामा राम्रो भविश्य देखेको बताउछन् । कलाका मास्टर्स गरेका उनको कला विद्यार्थीको जस्तो नभई एउटा परिपक्क कलाकारको जस्तो देखिएको प्रसंग जोड्दै महत्तोले कलाकार लिम्बुको भविश्य उज्वल रहेको बताउछन् ।
मेयर महर्जनले आफुले ललितपुरमा कलालाई प्रबद्र्धनमा सघाइरहेको प्रसंग उल्येख गर्दै विकल्प आर्टसँग मिलेर काम गर्ने चाहना राखेको बताए ।
कलाकार विनोद लिम्बु भर्खरै कला विद्यामा श्रृजना आर्ट कलेजबाट मास्टर डिग्री हासिल गरेका छन् ।