कोटेश्वरबाट गाँजा सेवन गरेको आरोपमा ८ जना पक्राउ

६ भदौ । काठमाडौँको कोटेश्वरस्थित खाजा घरबाट प्रहरीले गाँजा सेवन गरेको आरोपमा ८ जनालाई पक्राउ गरेको छ । महानगरपालिका–३२ स्थित खाजा पसलबाट ५० ग्राम गाँजा सहित आरोपितहरुलाई पक्राउ गरिएको जिल्ला प्रहरी परिसर काठमाडौँले जनाएको छ ।

पक्राउ पर्नेमा रामेछापको खाँडादेवी गाउँपालिका–२ घर भएर जडीबुटी बस्ने २६ वर्षीय धिरज लामासहित ८ जना छन् । खाजा घरमा गाँजा सेवन गरेको सुराकको आधारमा प्रहरी प्रभाग काँडाघारीबाट खटिएको टोलीले उनीहरूलाई पक्राउ गरेको हो । उनीहरूबारे प्रहरीले अनुसन्धान गरिरहेको छ ।