चलचित्र ‘जय हो’को औसत व्यापार, ‘महानगर’ चलेन

११ भदौं । शुक्रबारबाट प्रर्दशनमा आएको चलचित्र ‘जय हो’ र ‘महानगर’ ले यो हप्ता पनि आक्रमक व्यापार गर्न सकेनन् ।
दर्शक नपाएपछि धेरै हलबाट चलचित्र ‘महानगर’ उत्रेको छ भने चलचित्र ‘जय हो’ले औषत व्यापार गर्न सफल भएको छ ।
सफल निर्माता तथा निर्देशक सोभित बस्नेत निर्माण गरेको चलचित्र ‘जय हो’ मा उदयमान अभिनेता सलोल बस्नेत र अभिनेत्री केकी अधिकारीको अभिनय रहेको छ ।
हिन्दी चलचित्रहरु को पेलानमा परेको चलचित्र ‘जय हो’ले शुक्रबार, शनिबार र आइतबारसम्म करिव ५ लाख ग्रस कलेक्सन गरेको बक्स अफिस श्रोतले जानकारी दिएको छ ।
चलचित्र ‘महानगर’ले हल खर्च समेत धान्न नसक्ने अवस्था देखेपछि धेरै हलले शो बन्द गरिदिएका छन् ।
पछिल्ला केही महिनादेखि नेपाली चलचित्रले दर्शक पाउन छोडेका छन् । चलचित्र जारी र बगानले बक्स अफिसमा राम्रो व्यापार गरे पनि बाँकी चलचित्र असफल भएका छन् ।