ललितपुरको पाटनढोका र ठेचोमा चोरी

२३ भदौं । ललितपुरको पाटन ढोका र ठेचोमा चोरी भएको छ ।
प्रहरीका अनुसार ललितपुर महानगरपालिका १० पाटन ढोकास्थित आइडिआर र फरसाइट प्रालिबाट १ थान प्रोजेक्टर र २ थान ल्यापटप गरी करिब ३ लाख ९० हजार रूपैयाँ बराबरको धनमाल चोरी भएको छ ।
यसैगरी ललितपुरको गोदावरी नगरपालिका १२ ठेचोस्थित मकवानपुर थाहा नगरपालिका २ पालुङ घर भएका रमा कार्कीको रमा फेन्सी स्टोर पसलबाट करिब २ लाख ४७ हजार रूपैयाँ बराबरको विभिन्न कपडा गएराति चोरी भएको छ ।
प्रहरीले चोरीका सम्बन्धमा अनुसन्धानसँगै घटनामा संलग्न हाल फरार व्यक्तिहरूको खोजी गरिरहेको जानकारी दिएको छ ।