२६ भदौं । चलचित्र ‘मायावी’ पोखरामा छायांकन हुने भएको छ ।
निर्देशक दिवाकर भट्टराईका अनुसार चलचित्र असोज २ गतेबाट छायांकन रमणीय स्थलमा पोखरामा हुदैछ ।
चलचित्रका लागि असअघि नै दीपिका प्रसाई, पल शाह र सुशील सिटौला अनुबन्धित भइसकेका छन् । अभिनेता पल झण्डै डेढ वर्षपछि यसै फिल्ममार्फत रजतपटमा कमव्याक गर्दैछन् । अब यो चलचित्रमा मोडल समिम खान भित्रिएका छन् । समिमको यो डेब्यू चलचित्र हुनेछ ।
समिम ‘म्यान हन्ट इन्टरनेशनल नेपाल २०१६’का विजेता हुन् । दीपिका र दिवाकरले यस अघि चलचित्र ‘ऐश्वर्य’मा सहकार्य गरिसकेका छन् ।
चलचित्रमा निर्देशक भट्टराई स्वयंको कथा रहनेछ । क्रिएटिभ सिने आर्टसले निर्माण गर्न लागेको चलचित्रमा एसडी योगीको संगीत, राम अविरल विष्टको गीत, राजुविक्रम थापाको डिओपी रहनेछ ।
दिवाकरले फिल्म ‘मेरो जीवन साथी’, ‘स्टुपिड मन’, ‘ड्रिम्स’, ‘ऐश्वर्य’ र ‘क्याप्टेन’ निर्देशन गरिसकेका छन् ।
प्रतिक्रिया