काठमाडौं फोटोग्राफर संघको नयाँ कार्यसमितीमा हरि घिमिरेको नेतृत्व

काठमाडौं
३१ भदौं । काठमाडौं फोटोग्राफर संघको अध्यक्षमा फोटोग्राफर हरि घिमिरे निर्वाचित भएका छन् । राजधानीमा शनिबार आयोजित १५औँ साधारणसभा तथा ८औं अधिवेशनले अध्यक्षमा हरि प्रसाद घिमिरेको नेतृत्वमा नयाँ कार्यसमिति निर्वाचित गरेको हो ।

अधिबेसनले उपाध्यक्षमा आनन्द प्रभाकर घिमिरे ,सचिवमा रेशमराज पण्डित,सह सचिव रण बाहादुर श्रेष्ठ , कोषध्यक्ष सुशील ज्ञावाली निर्वाचित भएका छ्न् ।
आठ सयभन्दा धेरै सदस्य रहेका उक्त सस्थाको काठमाडौ,भक्तपुर र ललितपुरका साथै विभिन्न प्रदेशमा आफ्ना सदस्य र कार्य समिति रहेका छन् ।
काठमाण्डौ फोटोग्राफर संघ २०६५ सालमा स्थापना भएको हो । काठमाडौंमा सम्पन्न अधिवेशनले घिमिरेको नेतृत्वमा दुई बर्षको निम्ति कार्यसमिति निर्वाचित गरिएको हो । नवनिर्वाचित अध्यक्ष हरिप्रसाद घिमिरे लामो समय देखि फोटोग्राफी र फोटोग्राफरका बिभिन्न मुद्दा सदस्यका हितको बिषयमा छलफल अन्तरक्रिया,रचनात्मक क्रियाकलाप र तालिम गोष्ठी आयोजना गर्दै आएका छन् ।
उनको आगामी योजना देश भरिकै फोटोग्राफरहरुलाई एकिकृति गरी साझा मुद्दामा नीति निर्माणको तहमा रहेका ब्यक्तिहरुलाई ध्यान आर्कषण गराउने बताएका छन् ।
घिमिरे ललितपुरमा बसेर फोटोग्राफी गरिरहेका छन् ।