अमेरिकाका कार दुर्घटनामा निधन भएका सुरेश केरुङको सम्झनामा साङ्गीतिक चलचित्र ‘हे दैव’ निर्माण (भिडियो)

६ असोज । अमेरिकाका कार दुर्घटनामा निधन भएका सुरेश केरुङको सम्झनामा साङ्गीतिक चलचित्र ‘हे दैव’ निर्माण गरिएको छ । राजधानीमा सो साङ्गीतिक चलचित्र ‘हे दैव’ सार्वजनिक गरिएको छ ।
भुटानी शरणार्थीको रुपमा अमेरिका पुगेका सुरेश केरुङको कार दुर्घटनामा मृत्यु भएपछि उनको सम्झनामा साङ्गीतिक चलचित्र निर्माण गरिएको हो ।

हेर्नुस् भिडियो :

‘हे दैव’साङ्गीतिक चलचित्रको गीतमा राजेश पायल राई, प्रविशा अधिकारी र सुनिता थेगिमको स्वर दिएका छन् ।
शब्द रचना विक्रम साङ्पाङको रहेको छ भने सङ्गीत शङ्कर थापा ’स्माइल’को रहेको छ ।
चलचित्रको निर्देशन देव जङ्ग थापाले गरेका छन् । कलाकारको रुपमा माओत्से गुरुङ, कविता आले, बुद्धि तामाङ, एलिशा राई, रजनी गुरुङ, अनिल सुब्बा, दिप्सन आङ्बो र धनु ग्याङ्मीको अभिनय गरेका छन् । चलचित्र सिनेमाटोग्राफर ज्ञानेन्द्र शर्मा खिचेका छन् भने सम्पादन विवेक उप्रेती गरेका छन् ।
चलचित्र प्रिमियरमा परिवारसँग नजिक रहेका गायक राजेश पायल राईले विचार राखे । उनले स्व.सुरेश केरुङको सम्झना सुनाउदै आँखु समेत झारेका थिए ।
गायक राईले भने, ‘भाई सुरेश केरुङ मेरो गीत साह्रै मन पराउथ्यो , नाच्थ्यो । सधै गीतको फर्माइस गथ्र्यो ।’

कार्यक्रममा आमा बनेर अभिनय गरेकी कलाकार कविता आले आँशु झार्दै दुर्घटनाको दुखद क्षणलाई अभिनय गर्दाको अनुभव सुनाएकी थिइन् ।

साङ्गीतिक सङ्घ नेपालका अध्यक्ष प्राज्ञ चेतन सापकोटाले वास्तविक कथालाई साङ्गीतिक चलचित्रमा सजिव रुपमा उतारेको भन्दै विवेक उप्रतीको प्रशंशा गरेका थिए । भिडियोमा मद्यपान सेवन नगरि सवारी चलाउन सन्देश राखिएको छ ।