निर्देशक सुर्दशन थापालाई प्रहरीले पक्राउ पूर्जी जारी गरेकोमा निर्देशक समाजले आपत्ती

२५ असोज । निर्देशक सुर्दशन थापालाई प्रहरीले पक्राउ पूर्जी जारी गरेकोमा निर्देशक समाजले आपत्ती व्यक्त गरेको छ ।
चलचित्र निर्देशक सुर्दशन थापा निर्माता नभएको, उनले पारिक्षमिक लिएर चलचित्र निर्देशन गर्ने जिम्मेवारी रहेको भन्दै उनलाई चलचित्र बिक्रि गर्ने अधिकार नरहेको अवस्थामा पक्राउ पूर्जी जारी गरेको दावी संघको छ ।
चलचित्र निर्देशक समाजले चलचित्र प्रसाद २ को विवाद संघ संस्थाबाट मिलाउनुको सट्टा कानूनी प्रकृयामा गएको भन्दै आपत्ती व्यक्त गरेको छ ।
संघका महासचिव अरुण कुमार प्रधानले जारी गरेको विज्ञप्तीमा चलचित्र क्षेत्रलाई असर पुग्ने गरे संघ संस्था छलेर कानूनी बाटो रोजेको भन्दै रोष प्रकट गरिएको छ । विज्ञप्तीमा कानूनी बाटो रोकेर अदातल र प्रहरी प्रशासनलाई छलफलमार्फत मिलापत्र गराउन अनुरोध गरिएको छ ।
समाजले प्रसाद २ चलचित्र निर्माता सुवास थापा रहेको र उनीसँगै ओएसआर डिजिटलका अध्यक्ष ओम अग्रवाल र सम्पादक मिलन श्रेष्ठले सम्झौता गरेको काम गरेको विज्ञप्तीमा उल्येख छ । विज्ञप्तीमा अग्रवाल र श्रेष्ठ र्निदोष रहेको दाबी गरिएको छ । केही दिन अघि प्रहरीले पक्राउ पूर्जी जारी गरेको भए पनि ढिलो गरेर संघको विज्ञप्ती आएको हो ।