भक्तपुरमा स्कुटरको ठक्कर : बृद्धाको मृत्यु

भक्तपुर
२५ असोज । भक्तपुरमा स्कुटरको ठक्करपछि ६८ बर्षिया बृद्धाको मृत्यु भएको छ ।
प्रहरीका अनुसार भक्तपुर नगरपालिका १ सल्लाघारीको खानेपानी कार्यालय नजिकै सडकमा आज सवारी दुर्घटना हुँदा एक जनाको मृत्यु भएको छ ।
दुवाकोटबाट सल्लाघारीतर्फ जाँदै गरेको बा६९प ९१० नंको स्कुटरले ठक्कर दिई दुर्घटना हुँदा पैदलयात्री भक्तपुर नगरपालिका १ सल्लाघारी बस्ने ६८ वर्षीया भुलिमाया धुगुछुको मृत्यु भएको हो ।

प्रहरीले उक्त स्कुटर र स्कुटर चालक दोलखा तामाकोशी गाउँपालिका ४ घर भई हाल चाँगुनारायण नगरपालिका १ दुवाकोट बस्ने ३६ वर्षीय यम खड्कालाई पक्राउ गरी अनुसन्धान गरिरहेको प्रहरी परिसर भक्तपुरका प्रहरी नायब उपरीक्षक वसन्त पाठकले जानकारी दिएका छन् ।