नागार्जुनमा दुई जनाको कोठाबाट दिउँसै लाखौं मूल्य बराबरको गरगहना चोरी

काठमाडौं
२७ असोज । काठमाडौं नागार्जुनमा दुई जनाको कोठाबाट दिउँसै लाखौं मूल्य बराबरको गरगहना चोरी भएको छ ।
प्र्रहरीका अनुसार नागार्जुन नगरपालिका ४ शरणपुर डेरा गरी बस्ने धादिङ त्रिपुरासुन्दरी गाउँपालिका ६ घर भएका ३७ वर्षीय सन्तोष श्रेष्ठको कोठा र सोही घरमा डेरा गरी बस्ने बझाङ तलकोट गाउँपालिका १ घर भएका हरि बहादुर अहिदीको कोठाबाट चोरी भएको हो ।

उनीहरुको नगद तथा सुन र चाँदीका विभिन्न गरगहना गरी करिब १० लाख ३० हजार रूपैयाँ बराबरको धनमाल शुक्रबार दिउँसो चोरी भएको प्रहरीले बताएको छ ।
प्रहरीले चोरीमा संलग्न हाल फरार व्यक्तिको खोजी गर्नुको साथै घटनाका सम्बन्धमा आवश्यक अनुसन्धान गरिरहेको जानकारी दिएको छ ।