राजधानीबाट भारतीय नागरिकहरुको पैसा लुटपाट गरेको अभियोगमा तीन जना पक्राउ

काठमाडौं
१२ कात्तिक । भारतीय नागरिकहरुको पैसा लुटपाटको आभियोगमा तीन जना पक्राउ परेका छन् ।
प्रहरीका अनुसार काठमाडौं महानगरपालिका २७ ठमेलस्थित वाल्डो होटलमा कात्तिक ९ गतेदेखि बस्दै आएका २ जना भारतीय नागरिकको नगद लुटपाट गरेको अभियोगमा काठमाडौं महानगरपालिका १६ माछापोखरीस्थित किङ्स अकबरे ममः रेष्टुरेन्टका संचालक नुवाकोट ककनी गाउँपालिका ७ घर भएका २७ वर्षीय उमेश लामासमेत ३ जनालाई शनिबार दिउँसो प्रहरीले पक्राउ गरेको छ ।
उनीहरूलाई ग्रिन टि सस्तोमा मिलाईदिन्छु भन्दै ६ जनाको समूहले होटल अगाडिबाट ट्याक्सीमा सोही महानगरपालिका १६ माछापोखरीस्थित रोयल लाउन्ज एण्ड बारमा पु¥याई कुटपिट गरी पीडितसँग रहेको ४९ हजार नेपाली र ५० हजार भारतीय रूपैयाँ ट्रान्सफर गरी लुटपाट गरेको भन्ने खबर प्राप्त हुनासाथ प्रहरी वृत्त बालाजुबाट खटिएको प्रहरीले उनीहरूलाई बालाजु चोकबाट बा.८६ प २१४२ नम्बरको मोटरसाइकल, नगद ५९ हजार ३ सय ५५ रूपैयाँ,मोवाईल ४ थान र एनटिसी तथा एनसिएलको १२ थान सिमकार्डसहित पक्राउ गरेको हो ।
घटनाका सम्बन्धमा प्रहरीले आवश्यक अनुसन्धान गरिरहेको जानकारी दिएको छ ।