गीतकार ओलीको निधन

२ मंसिर

काठमाडौं । गीतकार दीपा ओलीको निधन भएको छ ।
ओलीको ८२ वर्षको उमेरमा ललितपुरको अल्का अस्पतालमा निधन भएको हो ।
सञ्चारकर्मी, चर्चित गायिका एवं एमाले नेतृ तथा पूर्वराष्ट्रिय सभा सदस्य कोमल ओलीको आमा समेत रहेकी ओली हाडको समस्यासँग जुधिरहेकी थिइन् ।
ओलीको शनिबार विहान निधन भएको अस्पतालले जानकारी दिएको छ ।
उनले संकलन गरेको ‘मलमलकिरी जुनकिरी’ बोलको गीतले नै कोमल ओलीलाई गायनमा स्थापित गराएको हो ।
ओलीको संकलन तथा रचनामा रेडियो नेपाल, म्युजिक नेपाल तथा विभिन्न रेकिर्डङ स्टुडियोमा दुई दर्जनभन्दा बढी गीत रेकर्ड भएका छन् ।