काठमाडौ
१७ मंसिर । नेपाली चलचित्र ‘हिटम्यान’ अन्र्तराष्ट्रिय बजारमा प्रवेश गर्ने भएको छ ।
चलचित्रलाई बिश्वब्यापी प्रर्दशन गर्ने उद्देश्य सहित बनाइएको इन्डो नेपाली फिल्म नेपालीसंगै हिन्दी, तिलुगु, तमिल, कन्नडा, मल्यालम, अरबी र चाईनिज गरी दश भाषामा प्रर्दशन गरिने भएको हो ।
आइतबार राजधानीमा एक कार्यक्रममा बीच चलचित्र ‘हिटम्यान’को मोशन पोस्टर र टिजर प्रर्दशन गरिएको छ । नेपालको काठमाडौं र पोखरा अनि भारत, फ्रान्सको पेरिस तथा दुवैमा खिचिएको छ ।
आगामी फागुन अर्थात् फेब्रुअरीमा रिलिज गरिने यस चलचित्रको अफिसियल प्रदर्शन मिति केही समयमा सर्वजनिक गरिने निर्माता तथा निर्देशक बिष्णु अधिकारीले बताए ।
चलचित्रको टिजरमा मुख्य कलाकार विष्णु अधिकारी देखिएका छन् । टिजरमा आँचलको भने कुनै पनि दृश्य समावेश छैन ।
पत्रकार सम्मेलनमा उपस्थित आँचलले टिजरमा आफू नदेखिएको बताइन् । सिनेमाको ट्रेलरमा भने भारतसँगै नेपाली दृश्य र कलाकार समेत देखिने कलाकार विष्णु अधिकारीले बताए ।
यो चलचित्रमा प्रशान्त ताम्राकार र मिलन सिजापतिको पनि मुख्य भूमिका छ । केही अभिनेत्रीहरुसँग आफूहरुले कुरा गरेपनि अन्तिममा आँचल शर्मा भूमिकामा फिट भएको विष्णुले बताए । सिनेमाले नेपालको सुन्दरता प्रस्तुत गर्ने उनको भनाइ छ ।
आँचलले तेलुगू चलचित्र भएपनि आफूले नेपाली भाषा नै बोलेको बताइन् । तर, आफूले तेलुगू भाषा भने केही सिकेको उनले बताइन् ।
प्रतिक्रिया