काठमाडौंको मुलपानी र मनमैजुमा एक एक जना पुरुष मृत फेला

काठमाडौं
२५ मंसिर । काठमाडौंको मुलपानी र मनमैजुमा एक एक जना पुरुष मृत फेला परेका छन् ।
प्र्रहरीका अनुसार कागेश्वरी मनोहरा नगरपालिका ६ मुलपानी घर भएका ३८ वर्षीय अमृत ढकाल आफ्नै घरमा सोमबार मृत अवस्थामा फेला परेका हुन् ।
साथै काठमाडौं तारकेश्वर नगरपालिका ११ मनमैजु बस्ने ओखलढुङ्गा सुनकोशी गाउँपालिका ७ घर भएका ५६ वर्षीय लेख बहादुर कार्कीपनि सोही नगरपालिका ९ मनमैजुस्थित चौरमा आइतबार मृत अवस्थामा फेला परेका छन् ।
घटनाहरुका सम्बन्धमा काठमाडौं प्रहरीले आवश्यक अनुसन्धान गरिरहेको जनाकारी दिएको छ ।