कलंकीबाट मोटरसाइकल चोरेर नम्बर प्लेट फेर्दै गरेकोे अवस्थामा दुई जना पक्राउ

काठमाडौं
१ पुस । काठमाडौंको कलंकीबाट मोटरसाइकल चोरै नम्बर परिवर्तन गरिरहेको अवस्थामा दुई जना पक्राउ परेका छन् ।
प्रहरीका अनुसार पक्राउ पर्नेमा नागार्जुन नगरपालिका ७ हसनटार डेरा गरी बस्ने २० वर्षीय किरन तामाङ र चन्द्रागिरी नगरपालिका दहचोक डेरा गरी बस्ने १८ वर्षीय किशोर रहेका छन् ।
दुवैजना धादिङ गजुरी गाउँपालिका ८ किरनचौरका स्थायी बासिन्दा हुन् ।
कलंकीस्थित सडकमा मोटरसाइकल चोरी गरी नम्बरप्लेट परिवर्तन गरिरहेको सूचनाको आधारमा प्रहरी वृत्त कालिमाटीबाट खटिएको प्रहरीले उनीहरूलाई बा.प्र ०२–०४० प ६३८१ नम्बर तथा बा.प्र ०२–०४७ प ११८३ नम्बरका २ थान मोटरसाइकल र चोरी गर्न प्रयोग गर्ने सामानसहित पक्राउ गरेको हो ।
घटनाका सम्बन्धमा प्रहरीले आवश्यक अनुसन्धान गरिरहेको जानकारी दिएको छ ।