चलचित्र निर्माणसँगै अधिकारी अभिनय यात्रामा

ललितखबर
२ पुस । चलचित्र ‘आमा’, ‘घर’ र ‘तीन जन्तु’ का निर्माता सन्तोष अधिकारीले पुस २७ गतेबाट देशभर प्रर्दशन हुने चलचित्र चित्रामार्फत अभिनय यात्रा सुरु गरेका छन् ।
२२ वर्षदेखि ठूलो पर्दाको नायक बन्ने सपना बोकेका अधिकारी एउटा बाबुको भूमिका सो चलचित्रमा निभाएको खुलासा गरे ।

आफूले संगालेका अनुभवलाई चलचित्रमा पात्रसँग जोडेको बताउने अधिकारी पात्रलाई सतप्रतिशत न्याय गरेको मान्छन् ।
रहरै रहरमा चलचित्र क्षेत्रमा होमिएका उनले कला क्षेत्रलाई  पेशा नै बनाइसकेका छन् ।
पारिवारिक चलचित्र चित्र बाबु छोरीको कथामा आधारित छ । चलचित्र १० बर्षमुनीका वालवालिकालाई निशुल्क देखाउने घोषणा समेत गरिएको छ ।
चलचित्रका निर्माता समेत रहेका अधिकारीलाई पैसा हालेर अभिनय गरेको प्रश्न सामना गर्नु परिरहेको छ । सन्तोष भन्छन्, ‘मैले पैसा दिन्छु भनेर चलचित्र क्षेत्रमा आएको होइन । यस अघि पनि चलचित्र बनाएको थिए । त्यसो भए त म आफै हिरो बन्न सक्थे ।
सिनेमा निर्माणमा सक्रिय सन्तोष अधिकारीले अभिनयमा डेब्यू गर्न लागेको ‘चित्रा’को पहिलो गीत रिलिज कार्यक्रममा पैसा हालेर हिरो बन्न आउनु भएको हो ? भन्ने प्रश्नको सामना गरेका थिए ।’ अधिकारीको कला क्षेत्रका लागि अरु पनि योगदान छन् । उनले नेपालसँगै अष्ट्रेलियामा थुप्रै फेसन शो सहितका कार्यक्रमहरु गरिसकेका छन् ।
अधिकारीले चलचित्र क्षेत्रमा आउने तयारी पहिले देखिकै थियो । उनले अष्ट्रेलियाको सिड्नी थिएटरमा अभिनय सिकेका छन् ।

चलचित्र‘चित्रा’मा मेनुका प्रधान, शुभेच्छा खड्का, अर्पण थापा, प्रमोद अग्रहरी, प्रकाश घिमिरे, अन्जना बराइली, सिम्रन खड्का, आयुशी ढकाल, विनोद पौडेल, कपिल शर्मा, कुमार गुरुङ, उज्वल ढकाल, दिपेश गजुरल लगायतका कलाकारको अभिनय छ ।